Dulo Ng Hangganan
KathaKapag makapiling ka
Hindi alam ang gagawin
Iiwas ba o titingin
Does it even matter kung masaya ka na ngayon o hindi?
You made a choice.
You just did what you thought was the right decision at that time.
Alam mo kasing isang araw, it will take a toll on both of you at ayaw mong humantong sa puntong hindi niyo na kilalang dalawa ang isa't isa.
Makita na hindi na kayo tulad noon.
Hindi na kayo babalik sa dati.
Tangay-tangay na ng oras ang kislap ng mga mata tuwing nagtatagpo at pagkasabik sa sandaling magkasalakop ang mga kamay.
Tila ba wala ng himig ng pagmamahal ang naiiwan sa pagdadampi ng mga halik nya sa iyong labi?
Wala na, wala na yata kahit ipilit pa.
Walang tamis sa pag-iiwan ng paalam at pangakong muling pagkikita, pawang baon lang ang mga blankong tingin sa kawalan.
Nagtatanong, anong nangyayari?
Nakakapagod na ba?
Pagod nga lang ba?
Nakakaramdam na ba ng pagkahapo sa pagkakayapos ninyo sa isa't isa?
Pareho na nga lang ba talaga, bumubuntong-hininga, magkukunwari at ngingiti gaya ng dati?
Siguro nga, baka, baka tapos na ang mga dalangin sa gabi na umaasang magtatagal ang lahat.
Ramdam mo rin kasing hindi lang ikaw, hindi na lang ikaw ang bumibitaw.
At ginawa mo, para sa inyong dalawa, para sa mga pusong hindi niyo namamalayang naghahangad na pala ng kalayaan.
Baka kasi hindi pa kayo handa o hindi kayo ang para sa isa't isa. Ewan, hindi ka sigurado, wala namang nagkamali at lalong wala namang iba.
Basta nangyari na lang, yung sadyang naubos ka o sya.
Sabay niyong hinipan ang kandila, sa pangatlong taon niyo sana.
Nakakatakot umibig, nakakatakot isipin na darating din kayo sa dulo ng hangganan.
.
.
.
.
Ang kislap ng iyong mata
Ay 'di ko na nakikita
Comments