Episode 5

Girls Just Want To Have Fun

BEKA: The Podcast's first ever Spotify video feature was released today. 

Syempre, nakaabang na agad si Ning dito. Hinding-hindi niya ito pwedeng palampasin lalo na at may eksena pa naman siya. Sabi niya nga kay Winter kagabi, handa na siyang lalo pang humaba ang pila sa kanya.

Kanina pang alas-singko na-release 'yung episode. Halos isang oras na rin ang nakalipas mula nang ma-upload ito sa Spotify. 

Kahit na masasabing malawak na rin naman ang reach ng BEKA (number 1 nga sila, diba), ito ang unang beses na makikita ng mga masugid na tagapakinig nito ang mga mukha sa likod ng mga boses na hinahangaan nila. 

Nasa sala sila Ning at sabay na pinanood ang episode na na-release ngayong araw.

Alam nilang halo-halong emosyon na ang nararamdaman ng team sa likod ng BEKA, lalong-lalo na nila Gigi at Rina.

Winter knows that they'll do well. A lot of people are actually tuned in for it. Kahit nga siya, na hindi naman avid listener nito, ay nakaabang din. 

And it's not just Winter being optimistic about it. May ebidensya kaya siya. 

Nasa trending topics in the Philippines ang #BEKAPodcast at ilang mga keywords na may kinalaman dito tulad ng, “RINA”, “GIGI”, at “ANG GANDA WTF”. 

“Bakit hindi ako trending?” reklamo ni Ning sa tabi niya. 

Natawa naman si Winter. Talaga bang in-expect niya na kaya niyang masapawan ang hype sa BEKA hosts ngayong araw? 

“Trending ka kaya.” 

“Saan? Uy, Winter, saan!” Gulat itong napatingin kay Winter at pilit na ipinagsiksikan ang sarili para makadungaw sa screen ng phone nito. 

“May expose thread ka,” seryosong sabi ni Winter sa kanya. 

“Kairita ka.” 

Humagalpak naman ng tawa si Winter. Ang sarap lang sa feeling na makabawi sa mga pang-aasar ni Ning sa kanya. 

“Pero in fair, may mga tweets naman about me. Na ang inspiring ko raw at ang pretty rin. How to be like Ms. Ning, ganyan. Ang ganda ko talaga,” mayabang na sabi ni Ning sa kanya.

Sang-ayon naman si Winter sa sinabi ng katabi. Kanina, habang nagtitingin ng mga tweets sa #BEKAPodcast tag, may mga ilang tweets din naman na na-mention si Ning. 

A lot of them were touched by her story. 

Sabi nila na, nakakabilib daw 'yung tapang at galing ni Ning. Deserve niya raw lahat ng success niya ngayon mula sa pagbubukas ng sariling café. 

Pero tulad ng sinabi ni Ning sa Anniversary Special Episode, aminado siyang her story comes with a privilege.

Swerte siya dahil bukod sa maayos ang naging swelduhan niya sa dati niyang trabaho bago siya mag-resign, binigyan din siya ng pamilya niya ng pandagdag sa puhunan para makapagsimula ng sarili niyang negosyo.

Kaya nga lang, hindi lahat ay nabibigyan ng ganung klaseng pribilehiyo. Ipinaliwanag din ni Ning sa segment niya sa feature na hindi lahat ay may choice na mag-ipon.

Sabi nga niya, “How can someone think about saving for the future when they're fighting to survive today?”  

So, someone's success in life shouldn't be measured only on one merit. 

It's true that Ning's decision to open her own business is a brave move.

But those who persevere despite the difficult circumstances brought upon them are their own kind of brave, too. 

A lot more people admired Ning after that.

“Ano ba 'tong guest ng BEKA napaka-epal ang daming sinasabi dapat sila Gigi at Rina lang 'to eh,” basa ni Ning sa phone niya. Nilingon siya ni Winter. 

“Sinasabi ko sa'yo user @jxvsht kapag nakita kita sasakalin kita! Inggiterang 'to, kasalanan ko bang ako 'yung na-invite at hindi ikaw!”

Natawa naman si Winter. Ang totoo kasi, nadaanan niya 'yang tweet na 'yan kanina. Hindi niya na lang binanggit kay Ning dahil alam niya na ang magiging reaksyon nito. 

“Oo nga pala, Winter, nag-message si Gigi kanina. Labas daw tayo tonight to celebrate. G ka ba?” 

“Okay lang kahit hindi na ko kasama, Ning. Kayo naman 'yung deserve mag-celebrate. Hatid-sundo na lang kita kung saan man 'yan.” 

Nakakahiya na rin talaga kasi kina Gigi kung sasama pa siya. Hindi naman siya 'yung kasama sa feature in the first place! 

“Ang arte arte mo na naman,” irap ni Ning sa kanya. “Ito oh, tignan mo 'yung message ni Gigi. Kasama ka nga raw. Special mention ka pa.” 

Lumapit si Winter para basahin ang message mula sa phone ni Ning. 

From: Gigi ❤️

(6:17 PM) ninggg!!

(6:18 PM) let's celebrate tonight!!! ganda ng feedback about the episode 🥺 consider this as our thanks na rin ulit! tell winter to go rin haaaa, see you and i'll send the loc to you in a bit! 

“Ayan oh, sabihan nga raw kita na pumunta.” 

Wala naman nang choice si Winter. Kung ihahatid niya rin naman si Ning, bakit nga hindi pa siya sumama? Tapos personally invited din naman siya ni Gigi. Nakakahiya namang mag-inarte pa.

“9 PM daw tayo later. Ready your party clothes, Winter.” Kindat ni Ning sa kanya bago ito kumaripas ng takbo papunta sa kwarto niya para maghanda ng susuotin niya mamaya.

*****

Lagpas alas-nuebe na nang makarating sila Winter sa club na sinend ni Gigi kay Ning. Medyo na-traffic din kasi sila papunta. Nag-message naman si Gigi na sasalubungin na lang sila nito sa entrance pagkarating nila. 

“Wow, you both look so pretty!” bati sa kanila ni Gigi. Nakasunod naman si Rina sa likod nito. 

As always, they both look breathtaking. 

“Ning, I love your top!” turo ni Gigi sa suot ni Ning. Nagpigil ng tawa si Winter. Kanina niya pa inaasar si Ning tungkol dito. 

Of course, Ning defended the outfit of her choice. 

“Diba? Ito talagang si Winter, questionable ang taste.”

Paano ba naman kasi, suot ni Ning ang kanyang signature bright neon yellow-green top. True to her name, talagang nagniningning siya. Ito raw ang naging choice niya para talagang in a room full of people, siya ang unang makita. 

“What a statement.” Gigi did a rundown of Ning's outfit from head to toe. “It will be hard to miss you in the crowd.” 

Gigi's wearing a wine red off-shoulder figure-hugging dress, while Rina chose a black-fitted dress that perfectly accentuates her neckline. 

And Winter doesn't look bad herself, either. She's in an army green knee-length dress which Ning described in her very much extensive vocabulary as a, “Perfect contender sa pagmamaganda ko tonight.” 

Marami-rami na ring tao pagkapasok nila sa club. Hindi naman nila kailangan pang mag-alala dahil nakapag-reserve naman na ng table si Gigi para sa kanila. Pagkarating nila sa table, nag-aya na agad si Ning ng first round of drinks. 

“Such a fighter,” biro ni Gigi rito. May pitcher na rin naman pala silang na-order in advance. Judging by the faint red in their faces, mukhang nakapag-pregame na rin sila. 

Nakatungga na ng isang baso ng alak si Ning. Winter can only watch her best friend who's drinking like it's her last. 

“Dahan-dahan lang, Ning. Inom ka ring tubig para di ka tamaan agad,” mahinang paalala ni Winter dito. Inabot niya ang isang baso ng tubig sa kanya. 

Mabilis na tango lang ang naging sagot niya kay Winter dahil agad itong nag-aya na pumunta sa dance floor para sumayaw. Hatak-hatak na nito si Gigi. 

“Sayaw tayo! Ganda ng music!” 

Agad na tumanggi si Winter. Sinabi niyang kakarating niya lang kaya gusto niyang magpahinga muna kahit saglit. Laging gulat niya nang tumanggi rin 'yung kanina pa nilang tahimik na kasama. 

“I think I'll have to drink more before I dance,” Rina declined politely. 

Nang makaalis sila Ning at Gigi, naiwan namang magkatapat na nakaupo sina Rina at Winter. 

“Ubos na drinks mo,” basag ni Winter sa katahimikan. 

She really hopes that she doesn't sound awkward right now. She has learned her lesson since the time she spent with Gigi in the café.

Rina smiled at her, probably surprised that Winter initiated the talk first. “Right. Are you gonna buy me one?” 

Oh, saan naman 'to galing. 

“Bakit naman kita bibilhan?” 

“You said you'd treat me anytime kaya. Now, where's my libre?” 

“Si Ning 'yung manlilibre sa'yo. Hindi naman ako.” 

Hindi niya rin talaga ma-predict minsan ang mga sinasabi ni Rina. Nakakatakot. 

Nagkunwari namang parang nagulat si Rina sa sinabi niya. “Really? I thought pwede anyone between the two of you. Can I claim my libre now?” 

“Bawal,” asar ni Winter pabalik. Natutuwa kasi siyang makita ang mga facial expressions nito. 

Tumayo na si Rina para pumunta sa bar. Gusto na raw talaga niya ng refill. Sumunod lang naman sa kanya si Winter. Hanggang sa pag-upo nila sa harapan ng counter, kinukulit pa rin siya nito tungkol sa libre na hindi niya naman responsibility in the first place. 

“Looks like she's not gonna buy you one. Mind if I do that for you instead?” 

Pareho silang napatingin sa nagsalita. A guy around their age approached them, immediately invading Rina's personal space. Ginalaw naman ni Rina papalapit kay Winter ang upuan niya. 

“I'm not interested,” kalmadong sabi ni Rina sa lalaki. 

“Mukhang siya rin naman sa'yo.” The guy gestured his hand towards Winter. “So why insist yourself sa taong hindi ka naman gusto? God, she can't even buy you a drink.”

He even moved closer, taunting Winter when their eyes met. 

Nilingon ni Winter ang katabi. Napansin niyang hindi na 'to mapakali sa kinauupuan niya. 

Bakit ba hindi na lang niya tanggapin na hindi nga interesado sa kanya? 

Hinila ni Winter nang mas malapit sa kanya ang upuan ni Rina. She also placed her hand at the back of Rina's seat protectively. 

“She already said that she's not interested. Anong mahirap intindihin sa sinabi niya?” tanong ni Winter sa lalaki. 

“Can't believe we're going around circles here.” He scoffed at Winter.

“I agree. And it's a you problem dahil hindi ka makaintindi.” She tried her best to shoot him her deadliest glare. “So, can you please leave while I'm being kind here?” 

He left eventually, but not without spewing vulgarities that Winter was sure that he wanted them to hear intentionally. 

“She's not even available to begin with,” bulong ni Winter sa sarili. Agad siyang napainom ng tubig. Kailangan niya munang pakalmahin ang init ng ulo niya. 

“I heard that.” 

Winter chose to ignore what Rina just said. There's an important matter that they have to address first. She turned to ask the woman beside her, “How are you feeling?” 

“Just a little shaken up. But I'll be fine naman. Thank you for standing up for me.” Rina gave her a reassuring smile. 

“Nakaupo lang kaya ako,” biro ni Winter sa kanya. 

Inirapan siya ni Rina. “You're not even drinking pero corny ka na.”

Natawa naman si Winter. “Sorry. Nakakainis lang kasi 'yung lalaki kanina. Sobrang entitled. What he did is just so wrong. Bakit ba need ipagpilitan pa 'yung sarili niya eh sinabi mo namang hindi ka interesado.”

“Yeah,” Rina agreed. “Some of them really can't just take 'no' for an answer. They make places like these unsafe and uncomfortable. People like us just want to have fun lang naman.” 

Napabuntung-hininga na lang si Winter. Napaisip siya kung paano na lang kaya kung naiwang mag-isa si Rina rito. 

A lot of scenarios instantly played inside her head, most of them ending in scenes she'd rather forget. 

Napaisip din siya na if it can happen to Rina, then it can happen to anyone here. Paano na lang 'yung mga walang kasama? Or those people who are too scared to stand up for themselves? 

Ano bang mahirap intindihin sa concept ng consent? It's basic human decency. Umiinit na naman ang ulo niya. 

“Hey,” mahinang tawag